Іс-шара Қостанай
қаласындағы балалар аула клубтарының педагогтеріне арналған және олардың
әдістемелік қоржынын толықтыру, сондай-ақ қызықты көркемдік
техникалардың бірімен таныстыру мақсатында ұйымдастырылды.
Шеберлік сабағы барысында қатысушылар «Граттаж» техникасының
ерекшеліктерімен, қажетті материалдар мен құралдармен, сондай-ақ бірегей
көркем жұмыстарды орындау кезеңдерімен танысты. Шеберлік сабағының
жетекшісі С.Г. Досанова бейнелерді орындаудың негізгі тәсілдерін
көрсетіп, аталған техниканы балалармен жұмыс барысында қолдану жөнінде
практикалық ұсынымдарымен бөлісті.
Іс-шараның тәжірибелік бөлімінде педагогтер «Граттаж» техникасында өз
шығармашылық жұмыстарын орындап, жаңа көркемдік тәсілдерді меңгеріп,
әріптестерімен кәсіби тәжірибе алмасты. Қатысушылар сәндік-қолданбалы
өнердің бұл бағытына ерекше қызығушылық танытып, оның қолжетімділігі мен
өзіндік ерекшелігін, сондай-ақ оқу сабақтарында кеңінен қолдануға
болатын мүмкіндіктерін атап өтті.
Шеберлік сабағы жылы әрі шығармашылық атмосферада өтіп, педагогтердің
кәсіби дамуына ықпал етті және білім беру үдерісіне жаңа жұмыс түрлері
мен әдістерін енгізуге шабыт берді.
